GoPro HERO 12 Black

ກ້ອງແອັກຊັນໃຫມ່ຈາກ GoPro ທຳອິດມີຂ່າວລືວ່າເຊັນເຊີພາບຈະຖືກອັບເກຣດເປັນຂະໜາດ 1 ນິ້ວ, ແຕ່ເມື່ອເປີດໂຕອອກມາປະກົດວ່າຍັງເປັນ CMOS ຂະໜາດ 1/1.9 ນິ້ວຄືເກົ່າ ແຕ່ກໍ່ໃຊ້ໄດ້ດີຂື້ນຮອບດ້ານ, ຖ່າຍຮູບ ແລະ ວິດີໂອ HDR ທີ່ດີຂຶ້ນກວ່າເກົ່າ ສ່ວນແບັດເຕີຣີ່ ສາມາດໃຊ້ຖ່າຍໄດ້ເຖິງ 2 ຊົ່ວໂມງ

ສະເປັກຂອງ GoPro HERO 12 Black

• ຂະໜາດ 71.8 X 50.8 X 33.6 ມມ
• ນ້ຳໜັກ 154 ກຣາມ (ນ້ຳໜັກກ້ອງ + ແບັດ), 121 ກຣາມ (ກ້ອງບໍ່ລວມແບັດ)
• ແບດເຕີຣີ່ 172mAh (Enduro), ສາມາດຖອດອອກໄດ້
• ກັນນ້ຳໄດ້ເລິກ 10 ແມັດ, ມີເຄສ Housing ກັນນ້ຳໄດ້ເຖິງ 60 ແມັດ
• ມີຕົວຍຶດ ¼-20 ໃນຕົວ ສາມາດພັບເກັບໄດ້
• ໂປຣເຊັນເຊີ GP2
• ເຊັນເຊີຮູບພາບ 1/1.9″ CMOS
• ມຸມມອງພາບ 156° (8:7 ອັດຕາສ່ວນ)
• ຖ່າຍວິດີໂອ: 5.3K60 + 4K120
• ຖ່າຍຮູບ ຄວາມລະອຽດສູງສຸດ 27.13MP (5568X4872)
• ເອົາ Timelapse: TimeWarp, Star Trails, Light Painting
• ໜ້າຈໍດ້ານໜ້າ 1.4 ນິ້ວ
• ຫນ້າຈໍຫລັງແບບສໍາຜັດ 2.26 ນິ້ວ
• ໄມໂຄຣໂຟນ 3 ຕົວ
• ເຊື່ອມຕໍ່ຫູຟັງໄຮ້ສາຍສໍາລັບຄໍາສັ່ງສຽງ + ຈໍສະແດງຜົນສຽງ
• ຮັບຮອງການໃຊ້ຮ່ວມກັບ MOD (Max Lens Mod 2.0, Volta, Media Mod, Remote)

ສິ່ງສໍາຄັນສໍາລັບຜູ້ທີ່ຕ້ອງການໃຊ້ກ້ອງແອັກຊັນແຄມ ກໍຄືເມື່ອຖ່າຍວິດີໂອແລ້ວ ຮູບພາບບໍ່ສັ່ນໄຫວ GoPro HERO 12 Black ໄດ້ຖືກປັບປຸງໃຫ້ມີຄວາມສາມາດດ້ານກັນສັ່ນທີ່ດີຂຶ້ນກວ່າດ້ວຍ HyperSmooth 6.0 ທີ່ຊ່ວຍໃຫ້ທ່ານສາມາດຖ່າຍວິດີໂອຟຸດເທດ ໄດ້ນິ້ງໃນທຸກສະຖານະການ ແລະ ໄດ້ເພີ່ມ AutoBoost ທີ່ຊ່ວຍໃຫ້ທ່ານຖ່າຍຮູບວິດີໂອກັນສັ່ນໃນມຸມທີ່ກ້ວາງຫລາຍຂຶ້ນ ແລະ ໄມ້ຕາຍຢ່າງ Horizon Lock ທີ່ບໍ່ວ່າກ້ອງຖ່າຍຈະຫມຸນຫຼາຍປານໃດ ມັນ​ກໍຈະ​ລັອກ​ເສັ້ນຂອບ​ຟ້າໃຫ້​ພາບ​ນິ້ງໄດ້​.

ການຄວບຄຸມການຖ່າຍວິດີໂອ ສາມາດເລືອກທີ່ຈະປັບອັດຕາສ່ວນຂອງໄດ້ຈາກການເລື່ອນປ່ຽນທີ່ຈໍສໍາພັດ ທັງແນວຕັ້ງ ແລະ ແນວນອນ ຫຼື ຖ່າຍແບບ Full Frame ແລ້ວ ຈາກນັ້ນທ່ານສາມາດປັບແອັບພລິເຄຊັນ Quik ພາຍຫຼັງກໍໄດ້

ເພີ່ມຮັບການເຊື່ອມຕໍ່ AirPods ແລະ ຫູຟັງໄຮ້ສາຍ Bluetooth ລວມເຖິງໄມໂຄຣໂຟນໄຮ້ສາຍ ສໍາ​ລັບ​ການ​ບັນ​ທຶກ​ສຽງ​ ແລະ​ ຍັງ​ໃຊ້ສໍາ​ລັບ​ການ​ໃຫ້​ຄໍາ​ສັ່ງ​ສຽງ​ ແຕ່ຖ້າທ່ານຕ້ອງການໃຊ້ໄມໂຄໂຟນທີ່ມີສາຍ ຕ້ອງໃຊ້ຜ່ານ Media Mod.

ມີການເພີ່ມອຸປະກອນເສີມໃໝ່ Max Lens Mod 2.0 ສາມາດຖ່າຍພາບໄດ້ສູງສຸດ 177 ອົງສາ ເພີ່ມຄວາມກວ້າງກວ່າເລນມາດຕະຖານເຖິງ 36% ເຊິ່ງຈະຮອງຮັບ Mod ແລະ ອຸປະກອນເສີມຫຼາຍຢ່າງ ທີ່​ຈະ​ເລືອກ​ເອົາ​ມາ​ນໍາ​ໃຊ້​ໃນ​ທຸກ​ສະ​ຖາ​ນະ​ການ​